Almaty qalasyndaǵy Qazaqstan-nemis ýnıversıtetin damytý jónindegi kelisim zańmen bekitilmek
ASTANA. Naýryzdyń 30-y. QazAqparat - Úkimet Qazaqstan men Germanııa Federatıvtik Respýblıkasynyń úkimetteri arasyndaǵy Almaty qalasyndaǵy Qazaqstan-nemis ýnıversıtetin damytý jónindegi odan ári yntymaqtastyq týraly kelisimdi ratıfıkatsııalaý qajet dep taýyp otyr.
Osy oraıda atalǵan kelisimdi zań túrinde bekitý úshin Májilistiń qaraýyna usyndy, dep habarlaıdy QazAqparat.
Germanııa Federatıvtik Respýblıkasynyń Prezıdenti H. Kellerdiń 2008 jylǵy qyrkúıektiń 3-indegi elimizge kelgen resmı saparynyń sheńberinde Qazaqstan Úkimeti arasyndaǵy Almaty qalasyndaǵy Qazaqstan-nemis ýnıversıtetin damytý jónindegi odan ári yntymaqtastyq týraly kelisimge qol qoıyldy.
Kelisim Taraptar memleketteriniń ulttyq zańnamalaryn sáıkes Ýnıversıtettiń odan ári damýyna jáne nyǵaıýna yqpal etetin bolady.
Kórsetilgen Kelisim sheńberinde kózdelgen is-sharalardy iske asyrý respýblıkalyq bıýdjetten shyǵyndardy talap etpeıdi.
Kelisimniń normalaryna sáıkes onyń kúshine enýi úshin Taraptardyń memleketishilik rásimderdi oryndaǵany týraly sońǵy jazbasha habarlama alynǵan kúninen bastap ol kúshine enedi.
Kelisimniń 1, 2, 3 jáne 4-baptarynyń erejelerimen Germanııa oqý baǵdarlamalaryna sáıkes jańa mamandyqtar boıynsha bilim berý baǵdarlamalaryn jáne Taraptar memleketteriniń tıisti quzyretti uıymdarynyń mamandyqtardy akkredıtteýin júrgizý, sondaı-aq halyqaralyq joǵary oqý orny mártebesine ıe bolý múmkindigi beriletinin atap ótý qajet, bul Qazaqstan Respýblıkasynyń zańnamasynda kózdelmegen.
«Qazaqstan Respýblıkasynyń halyqaralyq sharttary týraly» zańǵa sáıkes atalǵan kelisim ratıfıkatsııalaýǵa jatady.
Zań jobasyn qabyldaý Qazaqstan zańnamasyn onymen sáıkestendirýdi talap etpeıdi.
