Almaty qalasynda taǵy jer silkindi
ASTANA. 3 maýsym. QazAqparat - Búgin túnde Qyrǵyzstan Respýblıkasynda jer silkindi, jerasty dúmpýleri Almaty qalasynda sezildi.
Bul týraly QR Tótenshe jaǵdaılar mınıstrliginen habarlady.
«QR Bilim jáne ǵylym mınıstrligi Seısmologııa ınstıtýtynyń málimetinshe, 3 maýsym kúni túngi saǵat 3-ten 6 mınýt ketkende Qyrǵyzstan Respýblıkasynyń aýmaǵynda K=11,3 energetıkalyq sanatymen jer silkindi. Zilzalanyń kindigi Almaty qalasynan ońtústik-shyǵysqa qaraı 152 shaqyrym jerde ornalasty. Jerasty dúmpýleri MSK-64 baǵany boıynsha 2-3 ball qýatymen Almaty qalasynda sezildi», - delingen taratylǵan habarlamada.
Qutqarýshylar anyqtaǵandaı, qurbandar men qıraýlar týraly aqparattar túsip jatqan joq.
