Almaty qalasynda qutqarýshylar janyp jatqan úıden 8 adamdy qutqaryp, 40 adamdy qaýipsiz jerge kóshirdi, zardap shekkender bar
ASTANA. Qazannyń 5-i. QazAqparat - Almaty qalasynda qutqarýshylar janyp jatqan úıden 8 adamdy, onyń ishinde 2 balany qutqaryp, taǵy 40 adamdy qaýipsiz jerge kóshirdi. Zardap shekkender bar.
QR TJM-nyń taratqan aqparatyna sáıkes, keshe, qazannyń 4-i kúni tús aýa Almaly aýdany Jambyl kóshesinde ornalasqan bes qabatty turǵyn úıdiń balkondary jandy. Órt 2-shi qabattan 5-shi qabatqa deıin kóterilgen.
Tótenshe jaǵdaıdy joıýǵa Almaty qalasy boıynsha TJD-nyń órtke qarsy quramynyń 52 adamy men 16 tehnıkasy jumyldyryldy. Jalynnyń sharpyǵan jalpy aýmaǵy 40 sharshy metrdi qurady.
Tilsiz jaýmen kúres barysynda qutqarýshylar 8 adamdy qutqaryp, 40 adamdy qaýipsiz jerge kóshirdi. Iis tıip ýlanǵan 17 jastaǵy azamat, 8 jasar bala men jańa týǵan náreste aýrýhanaǵa jetkizildi.
