Almaty qalasynda QR TJM «Qazseldenqorǵaý» MM-niń 40 jyldyǵyna arnalǵan konferentsııa ótti
ASTANA. 15 qarasha. QazAqparat - Búgin Almaty qalasynda Qazaqstan Respýblıkasy Tótenshe jaǵdaılar mınıstrligi «Qazseldenqorǵaý» MM-niń qurylǵanyna 40 jyl tolýyna arnalǵan ǵylymı-praktıkalyq konferentsııa ótti.
Bul týraly QR TJM baspasóz qyzmetinen habarlady.
Іs-sharaǵa QR TJ mınıstri V. Bojko, Almaty qalasynyń ákimi orynbasary ıÝ. Ilın, QazKSR Mınıstrler keńesi tóraǵasynyń burynǵy orynbasary E. Gýkasov, geografııa ǵylymynyń doktory, professor, «Geografııa ınstıtýty» JShS-nyń dırektory A. Medeý, «Bazıs A» AQ prezıdenti A. Belovıch qatysty, sondaı-aq «Qazseldenqorǵaý» MM-de buryn qyzmet etken basshylar, Qazaqstan halqy men aýmaǵyn ınjenerlik qorǵaýmen aınalysatyn ǵylymı jáne jobalaý uıymdarynyń ókilderi shaqyryldy.
QR TJ mınıstri konferentsııa qatysýshylarynyń aldynda Qazaqstan Respýblıkasynyń Premer-Mınıstri atynan quttyqtaý hat oqydy.
«Qazseldenqorǵaý» MM-niń qatysýymen sońǵy 40 jylda 100-den astam ınjenerlik-qorǵaý qurylystarynyń, onyń ishinde bizdiń respýblıkanyń ońtústik óńiri tynys-tirshilik qyzmetiniń qaýipsizdigin qamtamasyz etken «Sý tasqynyna qarsy Kóksaraı sý rettegishi», «Astana qalasyn Esil ózeniniń tasqyn sýlarynan qorǵaý» strategııalyq nysandarynyń jobasy jasaldy jáne salyndy.
«Qazseldenqorǵaý» MM qyzmetkerleriniń jumysy tótenshe den qoıý jáne bizdiń eldiń halqy men aýmaǵyn kóshkin, sel, syrǵyma qaýipterinen qorǵaý júıesiniń ajyramas bóligi bolyp tabylady.
Konferentsııa barysynda «Qazseldenqorǵaý» MM-niń bastyǵy T. Baımoldaev «Selge qarsy is-sharalardyń negizgi baǵyttary» taqyrybynda baıandama jasady. Qazseldenqorǵaý 1973 jyly QazKSR mınıstrler keńesi (Qazbasseldenqorǵaý) janyndaǵy seldenqorǵaý qurylystaryn salý jáne olardy paıdalaný bas basqarmasy retinde qurylǵany atap ótildi.
Tabıǵattyń dúleı qubylystaryna tótep beretin uıymdy qurý kórnekti memleket qaıratkerleri D. Qonaevtyń, B. Áshimovtyń, A. Kosygınniń, U. Qaramanovtyń basshylyǵymen júzege asty.
Tabıǵattyń tótenshe jaǵdaıynan halyq pen terrıtorııalardy qorǵaý júıesiniń damýyna Qazaqstan Respýblıkasynyń Tuńǵysh Prezıdenti N. Nazarbaev úlken úles qosty
Búgingi kúni «Qazseldenqorǵaý» MM-de 135 jyl boıǵy jáne maýsymdyq muzdyqtar, muzdaq jáne muzdyq kólder, sel basseınderi men oshaqtarynyń jaı-kúıin, gıdrometeorologııalyq jaǵdaı men qaýipti qubylystardy qadaǵalaý pýnkti bar. Selqaýipti kezeń boıy aýmaqtardy aerosholý tekserý jumystary júrgiziledi.
Konferentsııa aıasynda QR TJ mınıstri «Qazseldenqorǵaý» MM-niń erekshe kózge túsken qyzmetkerlerine, estelik belgileri men vedomstvolyq nagradalar tapsyrdy.
