Almaty qalasynda koronavırýstan qaıtys bolǵan áıel provızorlyq statsıonarda jatqan
ALMATY. QazAqparat – Almatyda búgin koronavırýs indetinen taǵy bir adam qaıtys boldy. Naýqastyń jasy 97-de edi. Oǵan koronavırýs dıagnozy 25 sáýirde qoıylǵan, dep habarlaıdy QazAqparat.
Áıeldiń ólimi mıdaǵy qan aınalymynyń buzylýy, sol jaqtaǵy gemıplegııa, ıshemııalyq kardıomıopatııa, asqazan ekstrasıstolııasy, ótkir tynys alý jáne júrek-qantamyr jetispeýshiligi, sol jaq pnevmonııasy sııaqty basty aýrýlardan bolǵan. Naýqastyń jaǵdaıy óte aýyr dep baǵalanǵan.
Ótkizilgen terapııaǵa qaramastan, áıeldiń jaǵdaıy nasharlap, polıorgandyq jetispeýshilik belgileri baıqalǵan, saǵat 08:05-te tynysy alýy men júregi toqtap qalǵan.
30 mınýt boıy ótkizilgen reanımatsııalyq sharalar kómektesken joq. 26 sáýir kúni saǵat 08:35-te bıologııalyq ólim tirkeldi.
Patsıent aýrý juqtyrǵan adamdarmen baılanysta bolǵan soń, provızorlyq statsıonarda jatqan.
