Almaty qalasynda kásipkerlerdiń sany artty

ALMATY. QazAqparat - Almatyda jyl basynan beri kásipkerlik sýbektileriniń sany 3,9 paıyzǵa ósti. Bul týraly qalalyq Kásipkerler palatasynyń dırektory Aıtýar Qoshmambetov málim etti, dep habarlaıdy QazAqparat tilshisi.

«Almatyda kásipkerler sany jyl saıyn turaqty ósip keledi. Bıylǵy jyldyń 11 aıynyń qorytyndysy boıynsha qalada kásipkerlik sýbektileriniń sany 3,9 paıyzǵa ósip, 203 500- ge jetti. Shaǵyn jáne orta bızneste jumyspen qamtylǵandar sany 613 myń adam. Qalada 1 000-nan astam nysan ashyldy, olardyń basym bóligi saýda jáne qyzmet kórsetý salasy», - dedi spıker brıfıng barysynda.

Sonymen qatar, ol jyl sońyna deıin 234-ke jýyq nysan ashý josparlanyp otyrǵanyn aıtty. 117 mlrd teńge shamasynda ınvestıtsııa tartylǵan .

«Bıyl «Bastaý bıznes» jobasy boıynsha qalada 2 201 adam oqydy, onyń ishinde 1 200 adam grantqa ıe boldy. Bul jalpy qatysýshy sanynyń 54,5 paıyzy»,- dedi Aıtýar Koshmambetov.