Almaty qalasynda dámhanada bolǵan órtten 3 jastaǵy bala zardap shekti
ASTANA. Aqpannyń 13-i. QazAqparat - Almaty qalasynda dámhanada bolǵan órttiń saldarynan 3 jastaǵy bala zardap shekti,
dep habarlady QR Tótenshe jaǵdaılar mınıstrliginen.
Vedomstvo baspasóz qyzmetiniń málimetine sáıkes, keshe, aqpannyń 12-si kúni saǵat 09.44-te Túrksib aýdanyndaǵy Osıpenko kóshesinde ornalasqan «Meıram» dámhanasynda órt shyqqan. Jalyn jeke turǵan ǵımarattyń 60 sharshy metr aýmaǵyn sharpydy. Onyń saldarynan túrli kúıik jaraqattaryn alǵan 3 jastaǵy qyz aýrýhanaǵa jetkizildi.
Tilsiz jaý TJM Almaty qalasy boıynsha TJD órtke qarsy qyzmetiniń kúshimen 40 mınýtta aýyzdyqtaldy.
