Almaty qalasynda bos oryndar jármeńkesinde shamamen 600 jumys orny usynyldy

ALMATY. 14 qyrkúıek. QazAqparat - Keshe Almaty qalasynda ótken bos oryndar jármeńkesinde ár túrli kompanııalar jáne mekemeler 600-ge jýyq jumys ornyn usyndy. Jármeńkeni uıymdastyrýshylar: Alataý aýdandyq jumyspen qamtý jáne áleýmettik baǵdarlamalar bólimi, jergilikti jumyspen qamtý ortalyǵy jáne aýdan ákimdigi.

Jármeńkeniń basty maqsaty halyqty jumyspen qamtýǵa yqpal etý. Jumys berýshiler bos oryndaryn usyndy jáne jumysqa qabyldaý úshin úmitkerlerdi aldyn ala irikteýdi júzege asyrdy.

Ońtústik astananyń eń jańa aýdanynda halyqty jáne túlekterdi jumyspen qamtý máseleleri úzdiksiz baqylaýda ekeni atap aıtyldy. «Jumyspen qamtý-2020» baǵdarlamasynyń birinshi baǵyty boıynsha belsendi jumys júrgizilýde - áleýmettik jumys oryndaryn jáne jastar saıasatyn uıymdastyrý. Osylaısha, JOO-ny jáne kolledjderdi bitirýshiler memlekettik organdarda jáne kásiporyndarda memleket esebinen tólenetin taǵylymdamadan ótip, qajetti tájirıbeni jınaı alady.

«Jármeńkeni uıymdastyrýshylar bos oryndardy taýyp qana qoımaıdy, jeke kásipkerlik negizderin meńgerýge kómektesedi» - dep basa aıtty Almaty qalasy jumyspen qamtý jáne áleýmettik baǵdarlamalar basqarmasy bastyǵynyń orynbasary A.Orazova.

Bos oryndar jármeńkesine mektepter men JOO-nyń bitirýshileri, stýdentter, jumyssyzdardan quralǵan 450-den astam adam qatysty. 85 izdenýshi jumysqa joldama aldy. Sondaı-aq, 40 jumyssyz azamatty jumysqa ornalastyrý josparlanýda.