Almaty qalasynda bir táýlikte 2340 adam koronavırýsqa qarsy vaktsına saldyrdy
ALMATY. QazAqparat - Almaty qalasynda bir táýlikte 2340 adam koronavırýsqa qarsy vaktsına saldyrdy, dep habarlaıdy QazAqparat tilshisi.
Almaty qalalyq qoǵamdyq densaýlyq saqtaý basqarmasy taratqan málimetke sáıkes, 24 mamyr kúni 2 340 almatylyq vaktsına saldyrdy. Bıylǵy jyldyń 1 aqpany men 24 mamyry aralyǵynda qalada barlyǵy 291 371 adamǵa ekpe salyndy.
«Búgingi kúnge deıin qazaqstandyq QazVac vaktsınasyn 3000 adam aldy. Qytaıdyń Sinopharm vaktsınasynyń birinshi komponentin 11 034 almatylyq saldyrdy», - dep atap ótti basqarmadan.
Qalada 211 pýnkt jumys istep tur. 1 256 adamnan turatyn 307 egý brıgadasy bar. Sonymen qatar, 40 kóshpeli mobıldi brıgada uıymdastyryldy.
«Qazirgi medıtsınalyq uıymdarda, mektepterde, mádenıet, sport obektilerinde, bazarlar men qalanyń SOSO-da vaktsınatsııa pýnkti jumys isteıdi» - dep naqtylady Qoǵamdyq densaýlyq saqtaý basqarmasy.
