Almaty qalasynda aýdany 167 gektar 173 ýchaske tárkilendi – Bas prokýratýra
«Búgingi tańda Almaty qalasynyń Jer resýrstaryn basqarý departamenti prokýratýra organdarynyń jumysynyń nətıjesinde aýdany 167 gektar (kadastrlyq quny 10 mlrd teńge) 173 ýchaskeni tərkiledi. Den qoıý is-sharalary boıynsha ýəkiletti organdardyń aldynda aýdany 6,05 gektar jerdi qaıtarý týraly sotqa 40 talap berýge bastamashylyq jasaldy. 750 ýchaske (1,1 myń gektar) boıynsha tekserý is-sharalary jalǵasýda», - dep atap ótedi Bas prokýror jaýabynda.
Onyń aıtýynsha, prokýratýra organdarynyń astananyń, respýblıkalyq mańyzy bar qalalardyń jəne oblys ortalyqtarynyń núktelik qurylysyna qatysty tekserýler qorytyndysy boıynsha Úkimetke birqatar usynys bergen.
«Bas prokýratýranyń tekserý qorytyndysy boıynsha Úkimetke qala qurylysyn baqylaý júıesin kúsheıtý, atap aıtqanda, qurylys protsesteriniń ashyqtyǵyn belgileý maqsatynda jer ýchaskesin alǵan sətten bastap obektini paıdalanýǵa bergenge deıingi barlyq rəsimdi baqylaý jəne kelisý boıynsha «biryńǵaı tereze» ázirleý; sanıtarlyq-epıdemıologııalyq baqylaý jəne tótenshe jaǵdaılar organdaryna qala qurylysy qujattaryn kelisý quzyretin berý; qala qurylysy kodeksiniń jobasynda turǵyn úılerdi salý jəne paıdalaný, onyń ishinde kógaldandyrý úshin jetkilikti jer ýchaskesi bolmaǵan kezde olarǵa ruqsat berý qujattamasyn berýge tikeleı tyıym salýdy kózdeý jóninde usynystarymen zańdylyqty buzýshylyqtardy joıý týraly usyný engizildi. Jumys qorytyndysy boıynsha Úkimet buzýshylyqtardy joıý boıynsha jol kartasyn əzirledi. Bas prokýratýranyń usynystary qoldaý tapty», - dedi Berik Asylov.
