Almaty qalasynda aldaǵy jeksenbi kúni joldardyń keıbir baǵyttary jabylady
ALMATY. QazAqparat - Almatyda 18 tamyz kúni «Tour of World Class Almaty» velojarysynyń ótýine baılanysty tańǵy saǵat 05:30-dan túski 13:00-ge deıin velojarys ótetin kósheler jabylyp, kólik qozǵalysy toqtatylady, dep habarlaıdy QazAqparat tilshisi.
«Velojarys jylyna bir ret ótedi. Bul joly Qazaqstannyń túkpir-túkpirinen jáne basqa elderden jınalǵan velosıpedshiler jolǵa shyǵady. Uıymdastyrýshy retinde bizdiń mindetimiz - marshrýttyń bastalýy men aıaqtalýyna deıin qatysýshylarǵa qaýipsiz jaǵdaıdy tolyqtaı qamtamasyz etý. Osyǵan oraı, qozǵalys jartylaı shekteýli bolady jáne sportshylar óz qashyqtyǵyn ótkennen keıin joldar ashylady. Qala turǵyndary túsinistikpen qarap, qoldaıdy dep úmittenemiz», - deıdi Tour of World Class Almaty» velojarysynyń uıymdastyrýshysy Saltanat Qazybaeva.
Bul kúnderi birneshe kóshe jabylyp, kólik qozǵalysy toqtatylady.
Rozybakıev kóshesi – Levıtan kóshesinen Ál-Farabı dańǵylyna deıin 05:30-dan merekelik sharanyń sońyna deıin (13.00) jabylady.
Ál-Farabı kóshesi – Rozybakıev kóshesinen Nazarbaev dańǵylyna deıin 06:00-dan 10:30-ge deıin jabylady.
Saıyn kóshesi – Rozybakıev kóshesinen Rysqulov dańǵylyna deıin (Jandosov, Shalıapın, Abaı, Tóle bı, Raıymbek batyr kósheleri) 06:00-dan 11:30-ge deıin jabylady.
Rysqulov kóshesi – Saıyn kóshesinen Baýyrjan Momyshuly kósheleriniń arasy 08:30-dan 12:00-ge deıin jabylady.
Momyshuly kóshesi – Rysqulov kóshesinen Aqyn Saraǵa deıin 08:30-dan 12:00-ge deıin jabylady.
Aqyn Sara jáne Aqqaınar kósheleriniń arasy 08:30-dan 12:00-ge deıin jabylady.
Aqqaınar kóshesi – avtotsonǵa deıin jáne Buryndaı polıtsııa polkyna deıin 08:30-dan 12:00-ge deıin jabylady.
Sońǵy qatysýshy saǵat 12.00-ge deıingi qashyqtyqty ótkennen keıin ǵana avtokólik qozǵalysy tolyq qalpyna keledi.
Uıymdastyrýshylar qala turǵyndary men qonaqtarynan velojarys ótetin kúndi (18 tamyz) aldyn-ala josparlaýdy suraıdy.
