Almaty qalasynda 2010 jylǵy BAQ-tyń úzdik redaktoryn anyqtaýǵa arnalǵan saıystyń nátıjesi shyqty
ALMATY. Shildeniń 3-i. QazAqparat /Ekaterına Ionova/ - Búgin Almatyda ótken arnaıy baspasóz máslıhaty barysynda G.I.Tolmachev atyndaǵy «BAQ-tyń úzdik redaktory - 2010» respýblıkalyq saıysynyń nátıjeleri jarııa etildi.
Saıys merzimdi baspasóz quraldary arasynda respýblıkamyzda tórtinshi ret ótkizilýde. Bıyl osy saıystyń jeńimpazdary bolyp, «Kostanaıskıe novostı» gazetiniń bas redaktory Sergeı Harchenko men shymkenttik «Aıǵaq» gazetiniń bas redaktory Dýlat Ábish atandy.
Shyǵarmashylyq komısııasynyń tóraǵasy, jazýshy Oljas Súleımenovtyń aıtýynsha, saıystyń aldyna qoıǵan maqsaty - merzimdi basylymnyń Qazaqstan oblystaryndaǵy taralymyn arttyrý.
«Ásirese aımaqtarda buqaralyq aqparat quraldarynyń sapasyn kóterýdi qolǵa alýymyz kerek. Saıys odan ári de jalǵasyn tabýy tıis, osy maqsatta bizdiń BAQ-taǵy úrdisterge baqylaý jasap otyrý úshin arnaıy shtat qurý qajet. Múmkin, bolashaqta, biz redaktorlarmen qosa, talantty jýrnalısterdi de marapattaıtyn bolarmyz», - dedi Oljas Súleımenov.
