Almaty qalasynan 284 shaqyrym qashyqtyqta jer silkindi
ASTANA. QazAqparat - QR Bilim jáne ǵylym mınıstrliginiń Ǵylym komıteti «Seısmologııalyq tájirıbe-ádistemelik ekspedıtsııasynyń» seısmıkalyq stansalar jelisi 30 qańtar kúni 00 saǵat 06 mınýt 10 sekýndta jer silkinisin tirkedi, dep habarlandy kásiporynnyń resmı saıtynda.
Zilzala oshaǵy Almaty qalasynan ońtústikke qaraı 284 shaqyrym jerde Qytaı aýmaǵynda ornalasty.
Jer silkinisiniń energetıkalyq sanaty - 10,9. MPV magnıtýdasy 5,0. Tereńdigi - 15 shaqyrym. MSK-64 baǵany boıynsha sezilý týraly málimetter joq.
