Almaty qalasynan 145 shaqyrym qashyqtyqta jer silkindi
ALMATY. QazAqparat – QR Bilim jáne ǵylym mınıstrligine qarasty «Seısmologııalyq tájirıbe-ádistemelik ekspedıtsııasy» MM-niń seısmıkalyq stansalar jelisi 24 qazan kúni Almaty ýaqytymen 21 saǵat 57 mınýtta jerasty dúmpýin tirkedi, dep habarlaıdy QazAqparat.
Jer silkinisiniń oshaǵy Almaty qalasynan ońtústik-shyǵysqa qaraı 145 shaqyrym qashyqtyqta, Qyrǵyzstan Respýblıkasynyń aýmaǵynda ornalasqan.
Jer silkinisiniń energetıkalyq klasy 9,0, magnıtýdasy – 3,8.
Jerasty dúmpýi 20 kılometr tereńdikte bolǵan.
MSK-64 shkalasy boıynsha jer silkinisi Almaty qalasynda sezilgen joq.
