Almaty qalasyna tartylǵan ınvestıtsııa kólemi ósti
Memleket basshysynyń zardap shekken bıznesti qalpyna keltirý jáne qalany odan ári damytý týraly tapsyrmalaryn oryndaý boıynsha ótken qala aktıvinde Baqytjan Saǵyntaev almatylyqtardyń ál-aýqaty men jumyspen qamtý tıimdiligin arttyrý sharalary týraly aıtty.
«Biz saýdanyń, onyń ishinde onlaın-satýdyń jańa formattaryn engizý paıdasyna naryqtyq saýdaǵa negizdelgen ekonomıkanyń qalyptasqan formatynan aýytqıtyn bolamyz», - deıdi qala ákimi.
Ákimdik tsıfrlandyrý, kreatıvti ındýstrııa, ónerkásip jáne basqa da joǵary ónimdi salalardy damytý esebinen ekonomıkanyń qurylymdyq reformalaryn júrgizýde.
Almaty ákiminiń aıtýynsha, suranysqa ıe kadrlardyń bolmaýy eńbek naryǵynyń naqty qajettiliginiń sáıkessizdigine alyp keledi.
«Osyǵan baılanysty bilim, qoǵamdyq damý, áleýmettik ál-aýqat basqarmalaryna kadrlardy daıarlaý kezinde kolledjderdiń baǵdarlamalaryn qaıta qaraýdy tapsyramyn», - dedi Baqytjan Saǵyntaev.
Jumyspen qamtý men ómir súrý sapasyn arttyrýdyń mańyzdy qadamy iskerlik belsendilikti yntalandyrý bolady.
Sońǵy eki jylda negizgi kapıtalǵa salynǵan ınvestıtsııalar 820 mlrd teńgeden rekordtyq 1 trln 200 mlrd teńgege deıin jetti.
Bul rette áleýmettik salaǵa tartylǵan ınvestıtsııa 12%-ǵa ósti.
«2025 jylǵa deıin iske asyrylatyn 4,5 trln teńgege 396 ınvestıtsııalyq jobadan pýl quryldy. Ótken jyly 10 myń jumys ornyn qurýmen 83 joba aıaqtaldy. Byltyr 55 myńnan astam jańa jumys orny ashyldy. Bıyl taǵy 80 jobany iske asyramyz, onda 11 myńǵa jýyq jańa jumys orny qurylady»,- deıdi qala basshysy.
Almatynyń ındýstrıaldy aımaǵynda 2 jyl ishinde 10 jańa kásiporyn paıdalanýǵa berildi.
«Sonymen qatar 25 joba alynyp tastaldy jáne 110 ga bosatyldy, onda 37 jańa joba tartyldy, olarda 3615 jańa jumys orny ashylady. Bıyl 15 jobany iske qosý josparda»,- deıdi Baqytjan Saǵyntaev.
