Almaty qalasyna kirý úshin turǵyndar qalaı tekseriledi
NUR-SULTAN. QazAqparat - 11 mamyrda Almaty oblysynyń birqatar turǵyndaryna Almaty qalasyna kirýge ruqsat beriledi. Olar koronavırýsqa PTR test tapsyrýy tıis. Biraq, zerthanalardyń kópshiligi qala aýmaǵynda ornalasqan.
Almaty qalasynyń bas sanıtarlyq dárigeri Jandarbek Bekshın oblys turǵyndarynyń PTR test tapsyrý tártibin túsindirdi, dep habarlaıdy QazAqparat.
«Almaty oblysynda zerthana joq dep aıtýǵa bolmaıdy. Onda bir statsıonarlyq jáne bir kóshpeli zerthana bar. Biraq, adam sany kóp bolandyqtan, uzyn-sonar kezek paıda bolýy múmkin. Sondyqtan, fıltr, ekspress-dıagnostıka syndy odan da tıimdi sharalar jasalady dep oılaımyn. Ázirge blokposttar men qashyqtan qyzý ólsheý, saýalnama ádisteri qarastyrylǵan», - dedi Jandarbek Bekshın Almaty telearnasyna bergen suhbatynda.
Onyń aıtýynsha, respýblıkanyń Bas memlekettik sanıtarlyq dárigeriniń qaýlysyn kútý qajet.
«Qazir eshqandaı óńirge, ásirese Almaty men Nur-Sultanǵa kirýge ruqsat joq. Kóptegen adamdar qalaǵa oralyp, jumys oryndaryna oralǵysy keledi. Biraq, zerthanalar mundaı kóp adamǵa 2-3 kúnde nátıjesi shyǵatyn tekserý júrgize almaıdy», - dedi J. Bekshın.
Sondaı-aq, sanıtarlyq dáriger mobıldi PTR-zerthanalar jumysyn jolǵa qoıý kerektigin atap ótti.
