Almaty qalasyna №1 morenalyq kólden esh qaýip joq - ıÝrıı Ilın
NUR-SULTAN. QazAqparat - QR Іshki ister mınıstriniń orynbasary ıÝrıı Ilın Almaty qalasyndaǵy tótenshe jaǵdaıǵa qatysty baspasóz máslıhatyn ótkizdi, dep habarlaıdy QazAqparat tilshisi.
«Qazirgi ýaqytta ózender bastaý alatyn taý basyndaǵy №1 kólden Almaty qalasyna 100% qaýip joq dep aıta alamyz. Tańǵy saǵat 6:20-da №1 ózenniń sýy tasyǵan. 2015 jyly da bul kólden Almatynyń úsh aýdanynda sel aǵyp, tótenshe jaǵdaı bolǵan edi. Odan birqatar ǵımaratqa, úıler men mektepterge zaqym keldi. Osydan keıin jergilikti bıýdjet qarajatynan Naýryzbaı aýdany aýmaǵyndaǵy ózen arnasyn sekýndyna 20 tekshe metr sý aǵatyndaı turaqtandyrý jumystary júrgizildi. Sondyqtan, qazirgi sý kólemi Naýryzbaı, M.Áýezov aýdandaryndaǵy esh qaýip tóndirmeıdi», - dedi ıÝrıı Ilın Mınıstrlikter úıinde ótken baspasóz máslıhatynda.
Onyń aıtýynsha, ázirge Alataý aýdanynda, T.Rysqulov dańǵylynan tómen Alǵabas aýdanynda alańdaýshylyq bar. Onda qosymsha baqylaý beketteri turǵyzylyp, ózen arnasyn keńeıtý máselelerimen aınalysatyn ınjenerlik tehnıka qoıylǵan.
«Tańerteń Qarǵaly shatqalynyń turǵyndaryna dabyl qurylǵysy arqyly jedel habar berildi. Naýryzbaı aýdanynda zardap shekken turǵyndardy qabyldaıtyn oryn ashyldy, Bostandyq aýdanyndaǵy mektepter evakýatsııa úshin ázirlendi. Naýryzbaı aýdanyndaǵy Qarǵaly ózeniniń mańyndaǵy gaz jáne elektrmen qamtý ýaqytsha toqtatyldy, polıtsııa qyzmetkerleri arasynan 400 adam kezekshilikke turdy», - dedi mınıstrdiń orynbasary.
