Almaty qalasyn damytýǵa jyl basynan beri 135,6 mlrd. teńge ınvestıtsııa tartyldy
Investıtsııalar úsh kózden: ınvestorlardyń jeke qarajattarynan –95,6 mlrd. teńge (70,5%), qaryz qarajattarynan – 22,8 mlrd. teńge (16,8%), memlekettik bıýdjetten – 17,1 mln. teńge (12,7%) tartyldy.
Investıtsııanyń aıtarlyqtaı kólemi jyljymaıtyn múlikke – 73,3 mlrd. teńge (úlesi – 59,8%), kóterme jáne bólshek saýdaǵa – 11,2 mlrd. teńge (úlesi – 8,1%), ónerkásipke – 12,8 mlrd. teńge (úlesi – 8,9%) tartyldy.
Qazirgi ýaqytta, ınvestıtsııalar áleýmettik salaǵa, onyń ishinde, densaýlyq saqtaýdy, bilim berýdi jáne jappaı sportty damytýǵa belsendi túrde tartylýda. Atap aıtqanda, «Bıznestiń jol kartasy-2025» memlekettik baǵdarlamasy boıynsha Medeý aýdanyndaǵy jeke medıtsınalyq ortalyǵy qurylysynyń paıyzdyq mólsherlemesin sýbsıdııalaý qoldaý tapty. Jobaǵa 3 mlrd. teńgeden astam ınvestıtsııa salyndy, emhananyń ashylýy 2022 jylǵy sáýirge josparlanyp otyr.
«Medıtsınalyq ortalyq jalpy alańy 4 myń sharshy metrdi quraıtyn 5 qabatty ǵımarattan turady, onda rentgen jáne sáýleli dıagnostıka kabınetteri, fýnktsıonaldyq dıagnostıka men endoskopııany qosa alǵanda, balalar men eresekterge arnalǵan ambýlatorııalyq emhanalyq qyzmet, statsıonarlyq bólim jáne 2 operatsııa bólmesi ornalasýda. Atalǵan emhana halyqaralyq standart boıynsha salyndy, joǵary tehnologııalyq jabdyqtarmen jabdyqtaldy. Úzdik sheteldik jáne otandyq mamandardy tartýdy, jalaqysy joǵary 200-den astam jumys oryndaryn qurýdy josparlap otyrmyz», – dedi emhananyń bas dırektory Sabyrjan Bazarbaev.
«Almaty Business-2025» óńirlik baǵdarlamasynyń sheńberinde Áýezov aýdanyndaǵy «Orken mektebi» jeke bilim berý mektebiniń qurylysyna jyldyq 6% mólsherlemesi boıynsha jeńildetilgen nesıe berildi. Joba 2021 jylǵy jeltoqsanda iske qosyldy, mektep 340 oqýshy ornyna eseptelgen. Búgingi kúni 59 oqýshy oqyp jatyr, oqýshy jınaý jalǵasýda. Jeke mektep oqýshy ornynyń jetkiliksizdiginiń máselesin sheshýge múmkindik beredi jáne megapolıstiń halqy kóp ornalasqan aýdandaryndaǵy synyptardy naqty túrde azaıtady.
Mektep dırektory Janar Adılovanyń aıtýynsha, mindetti pánderden basqa logıka, shahmat, beıneleý óneri, ana tilinde sóıleıtin muǵalimi bar aǵylshyn tili, mýzyka (hor, vokal, horeografııa, dombyrada oınaý) jáne sport sektsııalaryn qosa alǵanda, jeti baǵyttan turatyn qosymsha baǵdarlama kózdelgen. Oqýshylar úsh mezgil tamaqpen qamtamasyz etilgen, ata-analardyń oqytýǵa jumsalatyn shyǵyndarynyń bóligin jan basylyq normatıvtik qarjylandyrý bilim berý baǵdarlamasy jabady.
Jergilikti bıýdjetten «Almaty finance» JShS arqyly qarjylyq qoldaýdy Bostandyq aýdanyndaǵy jabyq tennıs alańynyń qurylysy boıynsha ınvestıtsııalyq jobasy aldy.
Sport nysanynyń alańy shamamen 4 myń sharshy metrdi quraıdy, arnaıy eýropalyq sapamen jabylǵan 6 sazdy alań bar.
«Jattyǵý baǵdarlamasy daıyndyqtyń kez kelgen deńgeıindegi – balalardan bastap, respýblıkalyq jáne halyqaralyq deńgeıdegi áýesqoı sportshylarǵa deıingi klıentter úshin kózdelgen. Qazir bizde shamamen 520 bala jáne 120 eresek adamdar jattyǵady, sondaı-aq, alańǵa jattyqtyrýshymen jeke jattyǵatyn oıynshylar kelip turady. Baǵasy qalanyń ortasha baǵasyndaı. Jan basylyq qarjylandyrý baǵdarlamasy boıynsha tólem múmkindigi bar, ol boıynsha balalar tegin jattyǵa alady», – dedi «JanDosym» tennıs klýbyn damytý jónindegi menedjeri Tımýr Amırbekov.
Aıta keteıik, 2022 jyly Almatyda jergilikti bıýdjet qarajattarynan 233,7 mlrd. teńge somasyndaǵy jobany ınvestıtsııalaý josparlanyp otyr.
