Almaty qalasy týrızminiń damý máseleleri boıynsha jıyn ótti
ALMATY. Qarashanyń 3-i. QazAqparat /Ádilet Musahaev/ - Búgin Almaty qalasy ákimi Ahmetjan Esimovtyń qatysýymen Almaty qalasy týrızmin damytý máselesi boıynsha jıyn ótti,
dep habarlaıdy QazAqparat.
Jıynda qala týrızminiń qazirgi jáne bolashaq damý úrdisteri qaraldy. Sondaı-aq Almaty qalasy týrızmin damytý salalaryn talqylap, ony respýblıkamyzdyń týrıstik ındýstrııalandyrý ortalyǵyna aınaldyrý máseleleri qaraldy.
«Osy jyldyń sońǵy 9 aıynda salyqtan qalaǵa 441 mlrd teńge tússe, týrızmnen túsken qarajat 1 mlrd. 800 mln. teńgeni qurap otyr. Degenmen Almaty elimizdiń basqa qalalary arasynda shetelden keletin týrıster sany jaǵynan kósh bastap tur. Qazaqstanǵa kelgen sheteldikterdiń 70 paıyzy Almatyǵa at basyn burmaı ketpeıdi. Elimizdiń týrıstik kompanııalarynyń jartysynan kóbi Almatyda ornalasqan. 2007 jyly qalada 790 fırma jumys istese qazirgi ýaqytta olardyń sany 870-ke jetip, sheteldik 80-deı kompanııamen birlesip jumys istep otyr. Sondaı-aq týrızm damýy jolyndaǵy kedergi jasap otyrǵan máseleniń biri qalamyzda týrısterge saıahattyq qyzmet kórsetetin mamandandyrylǵan mekemelerdiń joqtyǵy jáne ekonomklass qonaqúıleriniń jetispeýshiligi», deıdi qala ákimi.
Mamandardyń pikirinshe, týrızmniń mádenı-tanymdy, ekologııalyq jáne taý shańǵysy túrleri tartymdy.
