Almaty qalasy men oblysynda zańsyz oıyn bıznesin uıymdastyrǵan bir top adam anyqtaldy
NUR-SULTAN. QazAqparat – QR Qarjy monıtorıngi agenttigi Almaty qalasy boıynsha departamenti Almaty qalasy men Almaty oblysynda zańsyz oıyn bıznesin uıymdastyrǵan bir top adamdy anyqtady.
Agenttiktiń baspasóz qyzmetiniń habarlaýynsha, 4 oıyn mekemesi men 14 oıyn núktesi joıyldy. 48 oıyn termınaly men 32 kompıýterlik tehnıka tárkilendi.
«Qylmyskerler 15 mıllıon teńgeden astam somaǵa tabys tapqan. Sot úkimimen bes aıyptalýshy 2 jyldan 4 jylǵa deıin bas bostandyǵynan aıyryldy»,-delingen habarlamada.
QMA Qylmystyq kodekske sáıkes oıyn bıznesin uıymdastyrý, sondaı-aq oıyn oınaýǵa úı-jaılardy bergeni úshin qylmystyq jazany qarastyratynyn eskertedi.
