Almaty qalasy men eki oblysta sel qaýpi áli de joǵary

ASTANA. QazAqparat - Joǵary temperatýralyq fonǵa jáne jaýyn-shashynǵa baılanysty Qazseldenqorǵaý beketteri kúsheıtilgen jumys rejımine aýysty. 11 avarııalyq-mehanıkalandyrylǵan brıgada quryldy, dep habarlaıdy QazAqparat TJM baspasóz qyzmetine silteme jasap.

Almaty qalasy men Almaty oblysynyń muzdaq kólderinde aǵyndy sý arnalaryn tereńdetý jáne nazar aýdarýdy qajet etetin ýchaskelerde sýdy qaýipsiz belgilerge deıin soryp shyǵarý boıynsha aldyn alý sharalary belsendi túrde jalǵasyp jatyr.

Jalpy, jyl basynan beri 18 aerovızýaldy jáne 700-den astam jerústi zertteý jumysy jasaldy.

Muzdaq kólderde barlaý jumystary júrip jatyr.

«Aıýsaı» seldi ustap qalatyn bógettiń ýaqtyly salynýynyń arqasynda Qumbel ózeni (Úlken Almaty ózeniniń basseıni) boıynsha sel tasqynyna jol berilmedi.

Bóget sel shógindilerin, aǵashtardyń tamyry men dińderin ustap qaldy.

Qabyldanǵan aldyn alý sharalary eldi mekender úshin sel shyǵaryndylarynyń saldaryn barynsha azaıtýǵa múmkindik berdi, profılaktıkalyq sıpattaǵy sharalar qabyldaý jalǵasýda.

Qazirgi ýaqytta Almaty qalasynyń, Almaty oblysynyń jáne Jetisý oblysynyń taýlarynda muzdy jáne nóser genezısiniń sel qaýpiniń joǵary dárejesi saqtalyp tur.