Almaty qalasy men Almaty oblysynda 8 jerasty dúmpýi tirkeldi - TJM
ASTANA. 3 mamyr. QazAqparat - 1-2 mamyr kúnderi Almaty qalasy men Almaty oblysynyń aýmaǵynda 8 jerasty dúmpýi tirkeldi,
dep habarlady Tótenshe jaǵdaılar mınıstrliginiń tótenshe oqıǵalardy eskertý departamentinen.
1 mamyr kúni 4 jer silkinisi oryn aldy. Jerasty dúmpýleriniń kindigi Almatynyń soltústik-shyǵysyna qaraı 73-75 shaqyrym jerde boldy. Birinshi dúmpý saǵat 08.31-de, ekinshisi - 13.41-de, úshinshisi - 15.13-te, tórtinshisi 17,37 mınýtta tirkeldi. Jerasty dúmpýleri Almatyda - 4 ball, Taldyqorǵanda -3-4 ball shamasynda sezildi.
2 mamyrda da tórt jer silkinisi boldy. Alǵashqysy - 02.29 -da tirkelip, jerasty dúmpýi Almaty qalasynda 4 ball shamasynda sezildi. Ekinshi dúmpý - 05.27-de, úshinshisi - 05.52-de, tórtinshisi 08.31-de boldy. Jerasty dúmpýleri Almaty qalasynda 2-3 ball shamasynda tirkeldi.
Barlyq 8 jer silkinisiniń kindigi Almaty oblysy Eńbekshiqazaq aýdanyndaǵy Ekpindi aýylynyń tóńireginde bolǵan. Qıraýlar men zardap shekkender týraly aqparat túsken joq.
QR Bilim jáne ǵylym mınıstrliginiń Seısmologııa ınstıtýtynyń aqparaty boıynsha, Almaty oblysynda jaqyn arada qatty jer silkinisi bolmaıdy. Alańdaýǵa negiz joq.
