Almaty qalasy Medeý aýdany ákiminiń burynǵy orynbasaryna qatysty is sotqa joldandy
ASTANA. QazAqparat - Almaty qalasy Medeý aýdany ákiminiń burynǵy orynbasary Talǵat Ábdiqalyqovtyń isi sotqa berildi. Bul týraly advokat Suńqar Nurmaǵambetov habarlady.
«Qorǵaýshy tarap sot úderisi kezinde qalyptasqan jaǵdaıǵa qatysty málimdeme jasaýdan bas tartty. Kinásizdik prezýmptsııasy prıntsıpi bar, oǵan sáıkes, azamattyń kinásyn sot anyqtaıdy, al belgili bir aqparatty talqylaǵanda resmı derekkózderge súıengen abzal», - dedi advokat.
Eske sala keteıik, aǵymdaǵy jyldyń maýsym aıynda Medeý aýdany ákiminiń orynbasary Talǵat Ábdiqalyqov para aldy degen kúdik bar ekeni týraly habarlandy. «2016 jyldyń sáýirinen maýsym aılary aralyǵynda ózi jáne ózge tulǵalardyń paıdasy úshin Almaty boıynsha qarjylyq baqylaý ınspektsııasy 9 lot boıynsha konkýrstyń ótýine kedergi keltirmes úshin jeke tulǵalardan para alǵan», - dep habarlady qalalyq sotta.
2016 jyly 3 maýsymda Ábdiqalyqov jedel-izdestirý sharalary kezinde ustaldy. Para túrinde alynǵan 1,3 mln teńge kóleminde qarajat alyndy.
5 maýsymda QR QK 366 baby 3 bólim 4 bólimshesi boıynsha kvalıfıkatsııalandy. Onyń para alǵany dáleldense, 12 jylǵa deıin bas bostandyǵynan aıyrylady.
