Almaty qalasy máslıhatyna Respublica partııasynan 5 depýtat saılandy

ALMATY. QazAqparat- Respublica partııasynan Almaty máslıhatyna depýtat bolǵandardyń aty-jóni belgili boldy, dep habarlaıdy QazAqparat tilshisi.

Respublica partııasynyń teń tóraǵasy Beıbit Álibekov partııalyq tizim boıynsha Almaty máslıhatyna saılanǵan depýtattardyń atyn atady:

1. Rýslan Ydyrysov – kásipker, «Global Foods» JShS quryltaıshysy

2. Saltanat Serikova – «Esentai Offices» JShS bas dırektory

3. Jalynbek Jaınarbaı – «SignTech» JShS quryltaıshysy jáne dırektory

Sondaı-aq Almaty qalasy máslıhatyna bir mandatty okrýgter boıynsha Respublica partııasynan 2 depýtat saılandy:

1. Ákim Tursynov – «Toǵyzqumalaq Almaty» qoǵamdyq birlestik prezıdenti

2. Qaırat Begalın – «Ukids» JShS dırektory

Eske salaıyq, Almaty qalasy máslıhaty saılaýynyń qorytyndylaryna sáıkes partııalyq tizimder boıynsha «Respublica» partııasy saılaýshylardyń 13,15 % daýysyna ıe bolyp, 3 mandat alǵan bolatyn.

Buǵan deıin Almaty máslıhatyna AMANAT partııasynan saılanǵan depýtattardyń tizimi bekitilgeni týraly jazǵan edik.