Almaty qalasy máslıhatyna 4 partııanyń ókilderi ótti
ALMATY. QazAqparat - Almaty qalasynyń aýmaqtyq saılaý komıssııasy Almaty qalasy máslıhaty depýtattaryn saılaý qorytyndylaryn shyǵardy, dep habarlaıdy QazAqparat tilshisi.
Saıası partııalardyń Almaty qalasy máslıhaty depýtattyǵyna kandıdattardy usynýy eki aı buryn bastalyp, saılaý kúnine bir aı qalǵanda jergilikti ýaqyt boıynsha 18.00-de aıaqtalǵan. Almaty qalasynyń aýmaqtyq saılaý komıssııasy 5 saıası partııadan 118 kandıdatty tirkepti.
«Almaty qalasy máslıhaty saılaýynyń qorytyndylaryna sáıkes partııalyq tizimder boıynsha daýystar mynadaı bolyp bólindi: saılaýshylardyń 68,11% «Nur Otan» partııasyna daýys berdi, Qazaqstannyń «Aq jol» demokratııalyq partııasy 10,11% daýysqa ıe boldy, «Aýyl» demokratııalyq patrıottyq partııasy saılaýshylardyń 7,68% daýysyn aldy, Qazaqstan halyq partııasy - 7,31% jáne «Adal» saıası partııasy - 6,79% daýys aldy», - deıdi Almaty qalasy aýmaqtyq saılaý komıssııasynyń tóraıymy Janna Asanova.
Almaty qalasy aýmaqtyq saılaý komıssııasynyń sheshimine sáıkes daýys berý qorytyndylary boıynsha saıası partııalar arasynda depýtattyq mandattardy bólý kezegi anyqtaldy.
Janna Asanova aıtýynsha, «Nur Otan» partııasy 29 depýtattyq mandat aldy, Qazaqstannyń «Aq jol» demokratııalyq partııasy 4 mandatqa ıe boldy, al «Aýyl» demokratııalyq patrıottyq partııasy men Qazaqstan halyq partııasy árqaısysy 3 mandattan aldy.
Eske salaıyq, partııalyq tizim boıynsha Almaty qalasy máslıhatyna daýys berý 2021 jyldyń 10-shy qańtarynda jergilikti ýaqyt boıynsha saǵat 7.00-den 20.00-ge deıin ótti. Saılaýshylardyń belsendiligi 30,25% paıyzdy qurady.
