Almaty qalasy mádenıet basqarmasynyń basshysy qalalyq máslıhatta esep berdi

Onyń aıtýynsha, esepti kezeń ishinde qoǵamnyń rýhanı-mádenı jáne ıdeıalyq birligin nyǵaıtýǵa baǵyttalǵan, qalamyzǵa degen patrıottyq sezim men súıispenshilikti qalyptastyrý, memlekettik meıramdardy uıymdastyrý men ótkizý jóninde birqatar sharalar júrgizQazirgi kezde qalanyń mádenıet basqarmasynyń quziretinde 15 memlekettik mekeme men kásiporyn qyzmet atqarýda. Sonymen qatar basqarma qala bezendirý jáne syrtqy-kelbetti jarnama máseleleri jónindegi ókiletti organ bolyp tabylady. Eseptik kezeń merziminde eskertkishterdi qorǵaý jáne tarıhı-mádenı murany saqtaý, ulttyq mádenı murany tanymal etý jóninde birqatar jumystar atqarylǵan. "25 qalalyq kitaphanaǵa 1497380 teńgege 6661 dana ádebıet satyp alyndy, onyń 3565-i memlekettik tildegi kitaptar. Sondaı-aq qalanyń 4 murajaıynda 660 ekskýrsııa, 36 dáris, 54 kórme ótkizilip, oǵan 17 myńnan astam adam qatysty. Fotoqujattyq jáne zattyq qordyń elektrondyq bazasyn qurastyrý men sırek kezdesetin fotosýretterdi elektrondyq tasymaldaýshylarǵa aýystyrý jónindegi jumystar da jalǵasyp jatyr", dep atap ótti Q.Kúlbaev.

Jıyn barysynda basqarma basshysy depýtattardyń qalany bezendirý men syrtqy-kelbetti jarnama máseleleri tóńireginde qoıylǵan suraqtaryna jaýap berdi.