Almaty qalasy kásipkerlik jáne ınvestıtsııalar basqarmasyna jańa basshy taǵaıyndaldy

ALMATY. QazAqparat- Almaty qalasy kásipkerlik jáne ınvestıtsııalar basqarmasynyń basshysy bolyp Berik Bekmyrzauly Soltanbaev taǵaıyndaldy, dep habarlaıdy QazAqparat tilshisi.

Berik Soltanbaev 1990 jyly 28 sáýirde Almaty oblysynda týǵan. 2012 jyly Qazaqstannyń «Parasat» kópsalaly ınstıtýtyn, 2015 jyly Qazaq ulttyq agrarlyq ýnıversıtetin, 2017 jyly Narhoz ýnıversıtetin bitirdi.

Eńbek jolyn 2013 jyly «Nur Otan» HDP Almaty qalalyq fılıalynda keńesshi laýazymynan bastady.

2014-2017 jyldary «Qoǵamdyq kelisim» KMM, Almaty qalasy Medeý aýdany ákimi apparatynyń kásipkerlik jáne ónerkásipti damytý bóliminde maman boldy.

2017-2018 jyldary Almaty qalasy Medeý aýdany ákimi apparatynyń kásipkerlik jáne ónerkásipti damytý bóliminiń basshysy qyzmetin atqardy.

2018 jylǵy qazannan bastap, Almaty qalasy Medeý aýdany ákiminiń orynbasary laýazymyn atqardy, kásipkerlikti qoldaý, ınvestıtsııalar tartý jáne ónerkásip kásiporyndarynyń jumysy máselesine jetekshilik etti.