Almaty qalasy halyqaralyq týrıstik qaýymdastyqqa kirdi

ALMATY. QazAqparat - Almaty qalasy ICCA halyqaralyq kongrester men konferentsııalar qaýymdastyǵynyń múshesi boldy (International Congress & Convention Association), dep habarlaıdy QazAqparat.

Mamandardyń aıtýynsha, ICCA-ǵa múshelik Almatydaǵy MICE-týrızmdi (iskerlik) halyqaralyq arenada damytý josparynyń bir bóligi bolyp tabylady.

«Qaýymdastyqqa kirý ártúrli týrıstik uıymdarmen – ICCA múshelerimen jańa seriktestik ornatýǵa múmkindik beredi. Biz qalaǵa sapaly jańa týrısterdi tartýǵa jáne ustap qalýǵa nıettimiz», - Almatynyń týrıstik aqparattyq ortalyǵynyń dırektory Edige Marǵulan.

MICE-týrızmi sońǵy jyldary Qazaqstandaǵy týrızmniń basym túri bolyp tabylady. MICE-týrızm naryǵynyń álemdik kólemi 7,5% jyldyq ósimmen $725 mlrd-qa baǵalanady. Almatyda jylyna 20 halyqaralyq deńgeıdegi iskerlik is-shara ótkizý josparda bar.

Aıta ketsek, ICCA músheleri – 88 túrli eldegi 950 qala. ICCA reıtıngisine sáıkes, Qazaqstan MICE-týrızm boıynsha álemde 79-shy orynda (2020).