Almaty qalasy boıynsha Kedendik baqylaý departamenti 21 qylmystyq is qozǵap, 175 mln. teńge kólemindegi taýarlardy tárkiledi
Bul kórsetkish ótken jyldyń 1 toqsanymen salystyrǵanda 3 esege artqan.
Búginde kedendik tólemder men salyqtardyń ońaı joldaryn kózdep, syrttan ákelingen taýardyń ataýyn deklaratsııada kórsetý barysynda burmalap ekonomıkalyq kontrabanda jasaý faktisi boıynsha túrli aıla-ádisterdiń beleń alyp jatqany jasyryn emes. Alaıda, osyndaı qylmystyń aldyn alý jolynda Almaty qalasy boıynsha Kedendik baqylaý departamentiniń qyzmetkerleri tıisti jumystar atqarýda.
Solardyń biri 2012 jyldyń 5 naýryzynda Qytaı Halyq Respýblıkasynan ýaqytsha saqtaý qoımasyna jalpy salmaǵy 30 tonnany quraıtyn taýardy anyqtaǵandyǵy. 36 600 AQSh dollaryn quraıtyn taýar deklaratsııasyn resimdeýge usyný kezinde jalǵan toltyrylyp, ilespe qujatta - «fasondy buryshtamalar men arnaıy qara metaldy profılder» retinde kórsetilgen. Alaıda, jedel sharalardy júrgizý barysynda kórsetilgen taýar alıýmınıı ónimi ekendigi anyqtaldy. Taýardy durys deklaratsııalaýdan ótkizbeý nátıjesinde tólenbegen kedendik tólemder men salyqtar somasy 25 mln. 532 538 teńgeni qurady.
Qazirgi ýaqytta atalmysh faktige qatysty Almaty qalasy boıynsha Kedendik baqylaý departamenti QR Qylmystyq Kodeksiniń 214 babynyń 1 tarmaǵy boıynsha qylmystyq is qozǵaýdy aqarastyryp jatyr.
