Almaty qalasy aýdandarynyń turǵyndary Mels Eleýsizovpen áleýmettik jáne ekologııalyq problemalardy bólisti
ASTANA. 28 naýryz. QazAqparat - QR Prezıdenttiginen kandıdat, ekolog Mels Eleýsizov Almaty qalasynyń turǵyndarymen kezdesip, olardyń kókeıkesti problemalaryn tyńdady.
Bul týraly QR Prezıdenttiginen kandıdat Mels Eleýsizovtyń baspasóz hatshysy Álıá Qıyqova habarlady.
Máselen, VAZ aýdanynyń turǵyndary qalanyń áýe basseıniniń ekologııalyq ahýaly, naqtyraq aıtsaq, jaqyn jerde oryn tepken stanok jasaý zaýyty shyǵaryp jatqan zııandy zattardyń áseri jaıly baıandady.
Jetisý aýdanynyń turǵyny Valerıı Shılov habarlaǵandaı, onyń úıiniń janynda «Aqtas M» JShS ornalasqan, ol aýany lastap qana qoımaı, aýdannyń ınfraqurylymy, onyń ishinde ortalyq kárizdi lastap, búldirip otyr. Valerıı sonymen qatar kandıdatqa kásiporyn basshysynyń paıdasyna sheshilgen sot sheshimin de usyndy.
Pokrovka selosynyń turǵyndaryn birqatar problemalar tolǵandyrǵan eken, olardyń arasynda joldardyń jaryqpen qamtamasyz etilmegendigi, sonymen qatar aýrýhanalar, balalar baqshalary men mektepterdiń joqtyǵy mazalaǵan.
«Osy jáne ózge de máselelerdi sheshý qajet, jáne ol memleket deńgeıinde sheshilýi tıis. Men bul problemalardyń túıinin tarqatýǵa tyrysyp baǵamyn, óıtkeni olar adamdardyń tolyqqandy, baqytty ómir súrýine kedergi jasap otyr», - dep atap ótti Mels Eleýsizov.
