Almaty qalasy ákimdiginiń memlekettik kommýnaldy turǵyn úı qorynan baspanany jekeshelendirý qyrkúıektiń 1-ne deıin uzartyldy
ALMATY. Maýsymnyń 1-i. QazAqparat /Názıra Eleýhan/ - Almaty qalasy ákimdiginiń memlekettik kommýnaldy turǵyn úı qorynan baspanany jekeshelendirý 2010 jylǵy qyrkúıek aıynyń 1-ne deıin uzartyldy,
dep habarlaıdy QazAqparat qala ákimdiginiń baspasóz qyzmetine silteme jasap.
Buǵan deıin habarlanǵandaı, páterler satyp alý jáne qaıtarymsyz tegin berý jolymen jekeshelendiriledi. Osy jolmen 2009 jyldyń qazan aıynyń 1-nen beri memlekettik kommýnaldy turǵyn úı qorynda turǵan 1923 páterdiń 811-i jekeshelendirilgen. Onyń 542-si satyp alý jolymen jekeshelindirilip, 269 páter qaıtarymsyz tegin berilgen.
Qaıtarymsyz tegin jekeshelendirýge Uly Otan soǵysynyń qatysýshylary, 1-shi jáne 2-shi toptaǵy múgedekter, Chernobyl AES apatyn joıýǵa qatysqandar, Semeı ıadrolyq polıgonynyń áserinen densaýlyǵy nasharlaǵan azamattar, sonymen qatar, basqa ıadrolyq oryndarda radıatsııalyq sáýle alǵan adamdar, sondaı-aq jaýynger - ınternatsıonalıster ıe bola alady. Basqa dárejedegi azamattar Almaty qalasy ákimdiginiń memlekettik kommýnaldy turǵyn úı qorynan ózderi turyp jatqan baspanasyn talapqa saı usynylǵan jeńildikterdi qoldana otyryp, satyp alý jolymen jekeshelendirý quqyǵy bar.
Páterdiń satyp alý quny memlekettik satyp alý baıqaýynyń sharty boıynsha jáne jeńildikter eskerile otyryp, baspanany alýǵa ketetin shyǵyn somasymen anyqtalady.
