Almaty qalasy № 4 aýrýhanasynyń anestezıology qolhatpen bosatyldy
ALMATY. QazAqparat– Almaty qalasy № 4 aýrýhanasynyń anestezıolog dárigeri Asqar Tuńǵyshbaev eshqaıda ketpeý týraly qolhat arqyly bosatyldy, dep habarlaıdy «QazAqparat» HAA tilshisi.
Bul týraly qaladyq qoǵamdyq densaýlyq basqarmasy habarlady.
Osyǵan deıin Almaty aýdanaralyq mamandandyrylǵan tergeý sotynyń qaýlysymen dáriger Asqar Tuńǵyshbaev QR QK 317-babynyń 3-bólimimen (Medıtsına jumyskeriniń kásiptik mindetterin tıisinshe oryndamaýy saldarynan abaısyzda adam ólimine ákep soqqan is-áreketter) 2 aıǵa qamalǵandyǵyn jazǵan bolatynbyz.Eske salsaq, buǵan deıin №4 aýrýhananyń bas dárigeri Qanat Tezekbaev eshqaıda ketpeý týraly qolhatpen bosatylǵan edi.
Sondaı-aq, QR Prezıdenti 2 aıǵa sottalǵan dárigerlerdiń isin zań tártibine saı sheshýdi tapsyrdy.
