Almaty qalalyq jolaýshylar kóligi basqarmasynyń bastyǵy taǵaıyndaldy
ALMATY. 20 tamyz. QazAqparat - Almatyda qalalyq jolaýshylar kóligi basqarmasynyń bastyǵy taǵaıyndaldy. Ol Ábdirahmanov Talǵat Ábdikerimuly boldy, dep habarlaıdy Almaty ákiminiń baspasóz qyzmetinen.
Esterińizge sala keteıik, QR Premer-Mınıstri Kárim Másimovtiń qatysýymen ótken ońtústik astanany damytý jónindegi keńeste Almaty ákimi Ahmetjan Esimov jolaýshylar tasymaly jáne avtomobılder joldary basqarmasyn odan da tıimdi jumys isteýi úshin derbes eki basqarmaǵa bólý usynysyn jasaǵan bolatyn.
Búgin tańerteń jumys keńesiniń barysynda A.Esimov jańa basqarmanyń bastyǵyn tanystyra otyryp, onyń aldynda jolaýshylar tasymaly salasyn tártipke keltirý, mýnıtsıpaldyq kólikti damytý, metropolıten qurylysyn jalǵastyrý jáne jeńilrelsti kólik jobasyn alǵa jyljytý boıynsha mindetter qoıdy.
T.Ábdirahmanov 1960 jyly Almaty oblysynda dúnıege keldi. Almaty Energetıkalyq ınstıtýtyn támamdaǵan. 2005 jyldan beri «Almaty elektrotrans»basqarmasyn basqaryp keldi.
