Almaty qalalyq jol polıtseıleri «Jolda qabyldaý» sharasyn ótkizedi
ALMATY. Qazannyń 12-si. QazAqparat /Erbol Turymbetov/ - Almaty qalalyq ІІD Jol polıtsııasy basqarmasy qala turǵyndary men qonaqtaryn qazan aıynyń 14-i kúni ótetin «Jolda qabyldaý» atty sharasyna belsene qatysýǵa shaqyrýda.
Sharany qalalyq Jol polıtsııasy basqarmasy «Nur Otan» HDP Almaty qalalyq fılıalymen birlesip ótkizgeli otyr. Ondaǵy maqsat, quqyq qorǵaýshylar ımıdjin kóterý men turǵyndardyń senimdilikterin arttyrýǵa baǵyttalǵan.
Shara barysynda «Jolda qabyldaý - Prıemnaıa na doroge» degen jazýy bar 7 jolaýshy kóligi qalany aralaıtyn bolady. Ol kólikterde jol polıtsııasy basqarmasynyń bilikti mamandary azamattardyń Almaty qalalyq ІІD JPB-na qatysty suraqtaryna jaýap beredi.
Qalanyń ár aýdany boıynsha 7 jolaýshylar kóligi turatyn naqty oryndary:
Áýezov aýdany - Abaı dańǵyly «Magným» saýda ortalyǵy,
Alataý aýdany - Rysqulov dańǵyly HQK aýdandyq ortalyǵy,
Almaly aýdany - Tóle bı kóshesi «Tastaq» bazary,
Bostandyq aýdany - Tımırıazev kóshesi «Atakent» kórme ortalyǵy,
Jetisý aýdany - «Almaty-2» vokzaly alańy,
Medeý aýdany - Jibek-joly kóshesi «Bereke» bazary (Kók bazar),
Túrkisib aýdany - «Almaty-1» vokzaly alańy.
Atalmysh shara óz jumysyn osy aıdyń 14-i kúni saǵat 10:30-da bastaıdy.
