Almaty qalalyq TJD «lıftiniń qulaýyna» qatysty túsinik berdi
ALMATY. QazAqparat - Almatyda qalalyq Tótenshe jaǵdaılar departamenti kópqabatty úılerdiń birinde lıftiniń qulaýyna qatysty aqparatty joqqa shyǵardy, dep habarlaıdy QazAqparat tilshisi.
«Oqıǵa ornyna Bostandyq aýdany tótenshe jaǵdaılar bóliminiń jaýapty ınspektory bardy. Lıft qulady degen aqparat rastalmady, «Premer lıft» servıstik kompanııa ókiliniń aıtýynsha, lıft 14-qabatta jabylyp qalǵan, lıftide qalyp qoıǵan osy úıdiń 7-qabatynda turatyn 1996 jyly týǵan turǵyn shyǵaryldy. Ol zardap shekken joq»,- dep habarlady vedomstvodan.
Buǵan deıin buqaralyq aqparat quraldarynda Qusaıynov kóshesindegi kópqabatty turǵyn úılerdiń birinde jedelsaty trosy úzilip, 13-qabattan tómenge qulap ketkeni týraly aqparat taraǵan bolatyn. Lıftide júkti kelinshek bolǵany aıtyldy.
