Almaty qalalyq TJD ashyq esik kúnin ótkizdi
ALMATY. QazAqparat – Dúnıejúzilik azamattyq qorǵanys kúni aıasynda tótenshelikter 3 myń turǵynǵa ashyq esik kúnin uıymdastyrdy, dep habarlaıdy QazAqparat tilshisi.
Almatylyq qutqarýshylar azamattyq qorǵanys kúni aıasynda turǵyndarǵa avarııalyq-qutqarý tehnıkalary, órt-tehnıkalyq qurylǵylary men órt sóndirý jabdyqtaryn kórsetti.
Jınalǵandarǵa eriktiler toby alǵashqy medıtsınalyq kómek kórsetý boıynsha sheberlik saǵatyn ótkizdi.
Oqýshylar arnaıy trenajer-sımýlıatordaǵy jer silkinisi kezinde naqty terbelýdi sezinip, qutqarýshylardyń eń joǵary órt kótergishimen 90 metrge deıin bıiktikke kóterildi.
Sonymen qatar, ashyq esik kúnine kelgen stýdentter men oqýshylar, órt sóndirýshiler men qutqarýshylardyń zamanaýı jabdyqtarymen tanysty, olar 37 metrlik (10 qabattan) qutqarýǵa arnalǵan órt baspaldaǵymen kóterildi.
Almaty qalalyq TJD baspasóz qyzmetiniń habarlaýynsha, mundaı is-shara jyl saıyn uıymdastyrylady.Turǵyndarǵa sala mamandary tótenshe jaǵdaı bolǵan kezde ne isteý kerektigin úıretep, kórsetti.
Aıta ketý kerek, 2019 jyly qala aýmaǵynda 664 órt boldy. Onda 72 adam qutqarylyp, 639 adam evakýatsııalandy, 2020 jyldyń eki aıynda 56 adam tótenshe jaǵdaılardan evakýatsııalandy, 3 adam qutqaryldy.
