Almaty qalalyq polıtsııasy taǵy bir esirtki qylmysynyń betin ashty
ALMATY. Shildeniń 26-sy. QazAqparat /Erbol Turymbetov/ - Búgin Almaty qalasy quqyq qorǵaýshylary 34 jasar Aleksandr esimdi qala turǵynynan marıhýana tárkiledi.
Bul jumys «Avtokólik» jedel-profılaktıkalyq is-sharasy aıasynda júrgizilip otyr. Ustalǵan azamat esirtkini turaqty tasymaldaýshylardan alyp, ony satýmen aınalysqan. Quqyq qorǵaýshylar qylmyskerdi óziniń kólik jóndeýmen aınalysatyn týysynyń úıinde ustady. Aıta keterlik bir jáıt, bul azamattyń júıke dertine baılanysty esepte turatyndyǵy jóninde kýáligi bar bolyp shyqty.
«Kúdikti qazir óz isine jaýap berý ústinde. Qazir biz onyń aýrýynyń naqtylyǵyn anyqtap jatyrmyz. Sebebi, ustalǵan sátte ol óz dertin naqty qujattarmen dáleldeı almaǵan edi. Esirtkiler tárkilenip, hımııalyq saraptamaǵa jiberildi. Bul is endi Túrksib aýdandyq ІІB-da tekseriletin bolady», dedi Túrksib aýdandyq ІІB bastyǵy, polıtsııa polkovnıgi Nurlan Moshqalov.
Qylmyskerdi tekserý barysynda odan gazetke oralǵan marıhýana tabylǵan. Odan soń kúdikti esirtkiniń jasyryn saqtalǵan qalǵan bóligin de kórsetken.
