Almaty qalalyq Mobıldilik basqarmasynyń basshysy para aldy degen kúdikke ilindi
«Para aldy degen kúdikke ilingen E.M. Ádilovke qatysty sotqa deıingi tergeý bıylǵy jyldyń 16 aqpanynda bastaldy. QR Qylmystyq kodeksiniń 366-baby, 2-bóligimen is qozǵaldy. Qazirgi ýaqytta istiń mán-jaıyn anyqtaýǵa baǵyttalǵan tergeý áreketteri júrgizilýde. Tergeý múddelerine qatysty basqa aqparat jarııa etýge jatpaıdy», - dedi QR Sybaılas jemqorlyqqa qarsy is-qımyl agenttiginiń Almaty qalasy boıynsha departamenti basshysynyń orynbasary Talǵat Bashev.
Eske salaıyq, ótken jyldyń maýsym aıynda qala ákiminiń ókimimen Erlan Ádilov Almaty qalalyq Mobıldik basqarmasynyń bastyǵy bolyp t aǵaıyndaldy.
Erlan Ádilov 1976 jyly týǵan. M. Tynyshpaev atyndaǵy Qazaq kólik jáne kommýnıkatsııa akademııasyn bitirgen. Kólik jáne quqyqtaný salalary boıynsha eki joǵary bilimi bar.
Kólik salasyndaǵy qyzmeti Almatydaǵy «№4 avtobýs parki» JShS tehnıka qaýipsizdiginiń ınjenerinen bastaldy. Memlekettik qyzmetke 2007 jyly keldi.
2008 jyldan bastap Almaty qalasynyń jolaýshylar kóligi jáne avtomobıl joldary basqarmasynda kólik bóliminiń mamany boldy. Atalǵan basqarmada jumys atqarǵan jyldary memleketik qyzmettiń barlyq satylarynan ótti.