Almaty qalalyq mektep oqýshylarynyń kıim úlgileri kórsetildi
ALMATY. Tamyzdyń 18-i. QazAqparat /Erbol Turymbetov/ - Búgin Almatydaǵy Oqýshylar saraıynda bıylǵy jańa oqý jylyndaǵy qalalyq mektepterdegi oqýshylar kıimderiniń úlgileri kórsetildi. Kıim úlgileri Astanadan uıymdastyrylǵan respýblıkalyq ınteraktıvti sabaqta Bilim mınıstrligine tanystyryldy, dep habarlaıdy QazAqparat.
Almaty qalasyndaǵy 181 memlekettik mektepte biryńǵaı mektep formasy 2001 jyly engizilgen bolatyn. Al jekemenshik mektepterde ol 2005 jyldan beri qoldanylyp keledi. Ol úshin jyl saıyn «Angelher», «Erke-Nur», «ALTEX», «Glazman» jáne «Suńqar» sán akademııalary 120 myń dana biryńǵaı mektep kıimderimen 100 % qamtamasyz etip otyr.
«Almaty qalalyq ákimdigi jyl saıyn mektep formasynyń jármeńkesin uıymdastyrýǵa saýda ortalyqtarynan, saýda úılerinen jáne árbir aýdandardan arnaıy oryn bóledi. Biryńǵaı mektep kıimderi úlgisi oqýshylardyń syrtqy beınesin kórsetip qana qoımaı, shyǵarmashylyq qabiletterin arttyrady. Sonymen birge, olardyń láeýmettik jaǵdaılaryna da baılanysty psıhologııalyq tepe-teńdikti saqtaýǵa múmkindik beredi», deıdi qalalyq bilim basqarmasy bastyǵynyń orynbasary Galına Samatolkına.
Oqýshylardyń kıim úlgileriniń ishinde uldarǵa jáne qyzdarǵa arnalǵan kıim jıyntyǵy, tómengi synyp qyzdary úshin sarafandar jáne sport kıimderi men aıaq kıimderdiń klassıkalyq jáne sporttyq túrleri bar.Sonymen qatar, kásipkerler muǵalimder úshin 20-dan astam kıim úlgilerin usynýda.
