Almaty qalalyq máslıhatynda ІІB-nyń tyńdaýy ótti
ALMATY. Qyrkúıektiń 15-i. QazAqparat /Erbol Turymbetov/ - Búgin Almaty qalalyq máslıhatynda qalalyq Іshki ister departamentiniń jumys qorytyndylarynyń tyńdaýy bolyp ótti,
dep habarlaıdy QazAqparat.
Depýtattar aldynda qalalyq ІІD basshysy Erlan Turǵymbaev esep berdi. Departament basshysy qala qozǵalysy men segiz aı ishinde atqarylǵan jumystar jóninde keńinen áńgimeledi. Onyń aıtýynsha, aýyr qylmys túrleri 15,1%-ǵa tómendep, qylmysty ashý deńgeıi jaqsarǵan. Júrgizilgen is-sharalar barysynda izdeýde júrgen 649 qylmyskerdiń 171-i qolǵa túsken. Sonymen birge, elimizdiń basqa aýmaqtarynda izdeýde júrgen 274 qylmysker ustalǵan. 19 qylmystyq toptyń joly kesilip, 3 uıymdasqan qylmystyq top qurý men basqarý faktisi áshkerelengen. 348 sýyq qarý, 3 avtomat, 7 tapansha, 7 vıntovka, 2 qoldan jasalǵan tapansha, sonymen birge 7 granat, 7 karabın myltyǵy, 18 sholaq myltyq jáne 1163 oq tárkilengen. Sonymen qatar, E. Turǵymbaev ІІB-nyń jol, kóshi-qon polıtsııalary, qoǵamdyq kúzet jáne esirtki bıznesine qarsy kúres jumystary jóninde de aqpar berdi.
Depýtattar óz kezeginde jaraqattaıtyn qarýlardyń halyqqa qoljetimdi bolyp otyrǵanyna baılanysty zańǵa ózgertýler men tolyqtyrýlar engizý jónindegi kózqarastaryn bildirdi. Qylmystyq jaǵdaıdy jaqsartý men beı-bereket saýdany jónge qoıýǵa baılanysty oblystyq marshrýttaǵy avtobýstardyń bas aıaldamalaryn qalanyń ortalyq bazary aýmaǵyna aýystyrý jóninde suraqtar qoıyldy. Halyq qalaýlylary ІІB-nyń Almaty qalasynyń ekologııalyq polıtsııasyn qurý jónindegi jáne qalanyń barlyq saýda oryndaryna birdeı talap qoıatyn «Almaty bazarlary» baǵdarlamasyn júzege asyrý týraly usnystaryn qoldaıtyndyqtaryn aıtty.
