Almaty qalalyq máslıhaty janynan eki Keńes quryldy

ALMATY. QazAqparat – Almaty qalasynyń Máslıhaty janynan Jastar keńesi men Saraptamalyq keńes quryldy, dep habarlaıdy QazAqparat tilshisi.

QR Prezıdenti Qasym-Jomart Toqaevtyń Joldaýyn júzege asyrý, sondaı-aq volonterler qozǵalysyn damytý jónindegi memlekettik jastar saıasatyn qoldaý maqsatynda qalalyq Máslıhat janynan Jastar keńesi quryldy.

Jastar Keńesiniń basty mindeti – jastardy patrıotızm men adamgershilikke tárbıeleý, jastardyń qoǵamdyq bastamalaryna kómek kórsetý jáne jastar saıasatynyń aıasynda normatıvtik quqyqtyq aktilerdi jetildirý suraqtary boıynsha usynymdardy ázirleý.

Keńes quramyna jastardyń memlekettik emes uıymdarynyń kóshbasshylary men ókilderi jáne Máslıhattyń jas depýtattary kiredi.

Jastar keńesinde áleýmettik, quqyqtyq, bilim berý, mádenı, sporttyq jáne jastardyń ózge de damýy salalaryndaǵy normatıvtik quqyqtyq aktilerdi sheteldik praktıkalardy eskere otyryp jetildirý máseleleri boıynsha usynystar ázirleý qarastyrylady.

Sondaı-aq, Máslıhat janynan Saraptamalyq Keńes te quryldy

Onyń negizgi mindeti — máslıhat qyzmetin saraptamalyq súıemeldeý, máslıhat sheshimderiniń jobalary boıynsha saraptamalyq qorytyndylar daıyndaý.

Bul rette Keńes normatıvtik quqyqtyq aktilerdi jetildirý máseleleri boıynsha saraptamalyq usynymdar ázirleýmen aınalysady, sondaı-aq máslıhat qyzmetinde saraptamalyq usynystarǵa bastamashylyq etedi.

Turaqty negizde ekologııa, kólik, mádenıet, densaýlyq saqtaý salalarynda saraptamalyq jumystar júrgiziletin bolady.

Alpamys Israıl