Almaty qalalyq máslıhaty aýktsıonda satý úshin usynylǵan jer telimderiniń tizbesimen kelisti
sp;ALMATY. Qarashanyń 30-y. QazAqparat /Erlik Erjanuly/ - Almatyda jeltoqsannyń 16-17 kúnderi jer telimderin satý úshin aýktsıondar ótedi. Bul búgin ótken 4-shi saılanǵan qalalyq máslıhattyń HHІІІ sessııasynda málim boldy,
dep habarlaıdy QazAqparat.
"Almaty qalalyq jer qatynastary basqarmasy 15 jer telimin daıyndady. Aýktsıon aǵylshyn tásilimen ótedi. Bul 2005 jyldan beri qala aýmaǵynda ótkizilip kele jatqan 14-shi aýktsıon. Bıyl jyl basynan beri buǵan deıin eki aýktsıon ótti. Naýryzda 21 mıllıon teńgege 6 jer telimi saýdalandy. Al tamyzda 16 jer telimi saýdaǵa qoıylyp, 10-y 50 mıllıon teńge satyldy. Onda baǵa qalanyń ortalyq bóliginde 10, al shetkeri aımaqtarda 3,7 koeffıtsentke kóterildi. Bul joly saýdaǵa qoıylǵan 15 jer teliminiń altaýy ótken joly satylmaı qalǵan jerler", dedi basqarma bastyǵy Qýanyshbek Qashqymbaev. Onyń aıtýynsha, jańadan qosylǵan 9 jer teliminiń beseýi Alataý, qalǵan tórteýi Áýezov, Jetisý, Medeý jáne Túrksib aýdandarynyń aýmaqtarynda jatyr. Onda 6 halyqqa qyzmet kórstý ǵımarattary, 2 tehnıkalyq qyzmet kórsetý stansylary men 1 ónerkásiptik-óndiristik ǵımarat ornalasatyn bolady.
