Almaty qalalyq qarjy polıtsııasy departamentiniń bastyǵy Dúısenov baǵynyshty qyzmetkeri para alǵany úshin qyzmetinen bosatyldy

Bul týraly búgin QR Ekonomıkalyq qylmysqa  jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.

«Aǵymdaǵy jyldyń 17 aqpanynda agenttik tóraǵasynyń buıryǵymen Almaty qalasy boıynsha qarjy polıtsııasy departamentiniń bastyǵy Dúısenov laýazymdyq qyzmetterin atqarýdan shettetildi. Budan buryn agenttiktiń ishki qaýipsizdik basqarmasy kásipkerden 30 myń AQSh dollary kólemindegi para alý ústinde atalǵan departamenttiń asa mańyzdy ister jónindegi aǵa ınspektoryn ustaǵan bolatyn. Óz qatarymyzdyń tazalyǵyn qamtamasyz etý jumysy agenttik tóraǵasynyń jeke baqylaýynda. Sondyqtan sybaılas jemqorlyq qylmys jasaǵany úshin baǵynyshty qyzmetkerler jaýapqa tartylǵan jaǵdaıda onyń basshysy da laýazymynan bosatylatyn bolady», - dedi resmı ókil.