Almaty qalalyq ishki saıasat basqarmasynyń jańa bastyǵy taǵaıyndaldy

ASTANA. 26 naýryz. QazAqparat - Almaty qalasy ákiminiń ókimimen Almaty qalasy ishki saıasat basqarmasynyń bastyǵy bolyp Baqtııar Mákenuly Máken taǵaıyndaldy, dep habarlady qala ákiminiń baspasóz qyzmeti.

Baqtııar Máken buǵan deıin Almaty qalalyq Jastar saıasaty basqarmasynyń bastyǵy qyzmetin atqaryp keldi. 1981 jyldyń 22 qarashasynda týǵan. 2003 jyly Qazaq ulttyq agrarlyq ýnıversıtetin bitirdi. 2007-2009 jyldary «Bolashaq» jastar baǵdarlamasymen - AQSh-ta «Memlekettik basqarý mamandyǵy» boıynsha magıstratýrada bilimin jetildirip keldi.

Eńbek jolyn 2003 jyly Qazaq Ulttyq Agrarlyq ýnıversıtetinde mádenı uıymdastyrýshy bolyp bastaǵan, odan keıin ýnıversıtettiń jastar isi ákimshiligi tóraǵasynyń orynbasary, basqa da jastar uıymdarynyń jetekshisi boldy.

2007 jyly «Nur-Otan» HDP «Jas Otan» qalalyq qanatyn basqardy. 2010-2012 jyldyń Almaty qalasy jastar saıasaty jónindegi basqarmasyn basqarǵan.

Esterińizge salsaq, osyǵan deıin Almaty qalasy ishki saıasat basqarmasynyń bastyǵy laýazymyn atqarǵan Kenjehan Matyjanov «Nur-Otan» HDP Almaty qalalyq fılıaly tóraǵasynyń birinshi orynbasary bolyp taǵaıyndaldy.