Almaty qalalyq ІІD «Jibek joly» avtobazary jaıynda: Reıdter jıi júrgiziletin bolady
ALMATY. QazAqparat - Almaty qalalyq ІІD resmı ókili Saltanat Ázirbek «Jibek joly» avtobazaryndaǵy reıd týraly pikir bildirdi, dep habarlaıdy QazAqparat tilshisi.
«Biz «Jibek joly» bazarynda turmyz. Qalada avtobólshek satatyn iri úsh bazar bar. Ol jaqtarda da dál osyndaı reıd júrgizilip jatyr. Bul bazardy tekserýge 100-den astam polıtseı jumyldyrylyp, Ulttyq gvardııa áskerleri qatystyryldy. Osyndaı is sharalar kezinde ádilet organdarynan boı tasalap júrgen tulǵalardy jıi kezdestiremiz. Bul is-qımyl qaladaǵy krımınaldyq ahýaldyq jaqsartady», - dedi Saltanat Ázirbek.
Onyń aıtýynsha, polıtseıler kez-kelgen dúkendi kirip tekserýge quqyǵy joq. «Sondyqtan munyń bári keshendi túrde, memlekettik kirister departamenti qyzmetkerlerimen birigip jasalady», - dedi ol.
Eske sala ketsek, Almatynyń tártip saqshylary qalanyń iri avtobazarlaryna reıd júrgizip, zańsyz satylyp jatqan taýarlardy anyqtady. Sondaı-aq polıtseıler keıbir bólshek satýshylardyń saýda jasaýǵa ruqsat beretin tıisti qujattarynyń bolmaǵanyna kóz jetkizdi.
Tipti kámelettik jasqa tolmaǵandardy jumysqa jekkender tabyldy. Tártip saqshylary bazarda bir adamdy esirtkimen ustady.
«Mundaı kólemdi reıdter jıi júrgiziletin bolady», - dedi ІІD-niń resmı ókili.
Aıta keterligi reıd sharalaryna 2 myńnan astam quqyq qorǵaýshylar jumyldyrylǵan.
