Almaty qalalyq ІІD uıymdasqan qylmystyń betin ashty

dep habarlaıdy Almaty qalalyq ІІD-niń baspasóz qyzmeti.

29-shy sáýirde belgisiz 4 adamnyń farmatsevtıkalyq kompanııanyń keńsesine shabýyl jasaǵany anyqtalǵan edi. Qylmystyq oqıǵa nátıjesinde 16 myń teńge, 2 kompıýter jáne «Toıota Aversıs» avtokóligi qoldy bolǵan. Uıymdasqan qylmystyq top JAQ aýmaǵyna ruqsatsyz kirip, kúzetshini aýyr soqqyǵa jyqqan. 3 seıfti buzyp, qomaqty qarjyǵa kenelmek oılary bolǵan.

«Sol kúni ishki ister basqarmasynda QR Qylmystyq kodeksiniń 179-shy babynyń 3-tarmaǵy boıynsha qylmystyq is qozǵalǵan bolatyn. Kúzetshi aýyr jaraqatyna baılanysty jedel habar bere almaǵan. Kóp ýaqyt ótip ketkendikten qylmyskerler aýladaǵy kólikpen qashyp úlgergen edi. Biraq, 1 saǵattan soń kólikti oqıǵa ornyna jaqyn jerde tastap ketkendikteri anyqtaldy. Toptyń 2 múshesin aldyńǵy kúni quryqtadyq. Al qalǵan ekeýi keshe túnde qolǵa tústi», dedi Jetisý aýdandyq ІІD bastyǵy polıtsııa podpolkovnıgi Qanat Taımerdenov. Onyń aıtýynsha, qylmyskerlerdiń aldy 26 jasta bolsa, sońy 22 jastaǵy jigit. Quqyq qorǵaýshylardan tasalaný maqsatynda olar qalanyń shetki aımaqtarynan páter jaldap turǵan.

Búginge deıin bir kompıýterdiń satylyp ketkendigi anyqtalsa, ekinshi danasyn satý úshin klıent qarastyrý ústinde bolǵan. Tergeý barysynda olardyń eshqaısysy da buryn qylmystyq jaýapkershilikke tartylmaǵany anyqtalǵan. Olar Almatyǵa jumys izdep kelgen bolyp shyqty. Al 54 jastaǵy kúzetshi uzaq ýaqyt aýrýhanada jatyp shyqqan.