Almaty qalalyq ІІD men mektep dırektorlary oqýshylardyń jol qaýipsizdigi máselelerin talqylady
ALMATY. Tamyzdyń 18-i. QazAqparat /Erbol Turymbetov/ - Almaty qalalyq Іshki ister departamenti jol qaýipsizdigin qamtamasyz etý úshin Túrksib aýdandyq №83-shi mektep bazasynda aýdandyq 24 mekteptiń dırektorlarymen kezesý ótkizdi,
dep habarlaıdy QazAqparat.
Kezdesý barysynda mektep oqýshylarynyń jolda júrý qaýipsizdigin qamtamasyz etý joldary talqylandy. Oqýshylardyń qaýipsizdigin qamtamasyz etý maqsatynda avtokólikterdiń qala ishinde aldynǵy shamdaryn jaǵyp júrý erejesi bekitilgen bolatyn.
«Oqý jyly bastalar aldynda muǵalimderge jol júrý erejelerin oqytatyn synyptardyń daıyndaǵyn tekserip shyǵý qajettigin eskertemiz. Keńes berý men jol erejelerin oqytý qural-jabdyqtaryn túgendeý qajet. Sonymen birge, oqýshylar úshin jol júrý josparyn jasap qoıǵandary durys. Osyndaı aldyn-alý sharalary qalamyzdaǵy oqýshylardyń qatysýymen bolatyn jol-kólik oqıǵalaryn boldyrmaýǵa jaǵdaı jasaıdy», deıdi Almaty qalalyq ІІD-niń jol polıtsııasy basqarmasynyń bastyǵy Arman Sarybasov.
Óz kezeginde mektep dırektorlary mektepter mańaıyndaǵy jol belgileriniń qaıta jańartylý qajettiligin jáne mektepter mańyndaǵy ınspektorlar qyzmeti kestesin nyǵaıtýdy da aıtyp ótti. Sonymen qatar, joldaǵy júrginshiler jolaǵy mańynda arnaıy maketter qoıylý kerektigin áńgime qyldy.
