Almaty qalalyq ІІD kisi ólimine qatysty eki qylmystyń betin ashty

dep habarlaıdy QazAqparat Almaty qalalyq ІІD-niń baspasóz qyzmetine silteme jasap.

Birneshe kún buryn Jandosov pen Altynsarın kósheleriniń qıylysynan bir stýdenttiń máıiti tabylǵan bolatyn. Onyń denesin tekserý barysynda arqasy men jelke tusynan birneshe pyshaq jaraqatyn alǵany anyqtaldy. Sol kúni keshke Áýezov aýdandyq ІІB-nda QR QK-niń 96-shy «qastandyqpen kisi óltirý» baby boıynsha qylmystyq isi qozǵaldy.

Іzin ala tekserý toby arnaıy jáne jedel-izdestirý sharasyn júrgizý barysynda osy aýyr qylmysty jasaýshylardyń izine tústi. Olar 20 jáne 22 jastaǵy Almaty qalasynyń turǵyndary bolyp shyqty. Ekeýi de qalalyq bir baspahananyń terimshisi, buryn qylmystyq jaýapkershilikke tartylmaǵan.

Tekserý barysynda anyqtalǵandaı, stýdenttiń qazasy joǵarǵy kýrstar men 1-shi kýrstardyń toptasyp tóbelesýiniń nátıjesinde oryn alǵan.

Taǵy bir kisi ólimi oqıǵasyn Medeý aýdandyq polıtseıleri shilde aıynyń sońynda qalalyq Ortalyq saıabaq aýmaǵynda tirkegen edi. Onda 43 jasar er adamnyń beti men basyna aýyr soqqylar tıgendigi anyqtaldy. Saıabaq ákimshiliginiń aıtýynsha, qaza bolǵan jan sol jerdiń kúzetshisi bolǵan.

Kisi ólimi qylmysy boıynsha Medeý aýdandyq ІІB-nda qylmystyq is qozǵaldy. Іzdestirý barysynda kúzetshiniń ólimine qatysty 21 jasar qańǵybas ustaldy. I. esimdi azamattyń aıtýynsha, ol Almatyǵa Sarqand qalasynan kelgen. Buryn sottalmaǵan. Oqıǵa bolar kúni ol óz joldastarymen saıabaqtyń birneshe saýda núktelerin tonamaq bolǵan. Alaıda kúzetshiniń kózine ilikken qylmyskerler isterine kedergi keltirmes úshin ony uryp-soǵyp tastaıdy. Qylmyskerdiń moıyndaýynsha, ol qaza bolǵan jandy tirshilik belgisi qalmaǵansha soqqylaǵan.

Qazirgi ýaqytta qolǵa túskender ýaqytsha qamaý orynyna jabylǵan. Bolǵan oqıǵaǵa baılanysty tergeý amaldary júrgizilip jatyr.