Almaty qalalyq ІІD Іshki ister mınıstrligi júıesinde eń jetekshi bólimshelerdiń biri - A. Esimov
ALMATY. 23 maýsym. QazAqparat - Almaty qalalyq ishki ister departamenti qylmyspen kúres pen qaýipsizdikti qamtamasyz etýde asa qýatty kadrlyq áleýetke ıe.
Qala ákimi Ahmetjan Esimov búgin Qazaqstan polıtsııasynyń 20 jyldyq merekesin atap ótýge arnalǵan saltanatty jıynda osylaı aıtty.
«Elbasymyz 2007 jyly 23 maýsymda tıisti jarlyqqa qol qoıǵan kúnnen bastap Qazaqstan polıtsııasynyń kásibı kúni qoǵam ómirinde úlken qoldaýmen atap ótilýde. Munyń ózi osy salada ter tógip júrgen azamattar men ardagerlerge kórsetilgen qurmet dep bilemiz. Sizderdiń jaýapkershilikke toly aýyr qyzmetterińiz memleketimiz ben onyń azamattarynyń quqyqtary men múddelerin qorǵaýda eń basty kúsh-qýat bolyp tabylady», - dedi A. Esimov. A.Smaǵululynyń aıtýynsha, qala ákimdigi ekonomıkalyq qıyndyqtarǵa qaramastan qarjylyq jáne materıaldyq-tehnıkalyq jaraqtandyrýda polıtsııa jumysyn barynsha qoldaýda. Máselen aǵymdaǵy jyly departamentti ustaýǵa 13,6 mıllıard teńge bólindi. Bul ótken jylǵy kórsetkishten 23 paıyzǵa joǵary. Al 2007 jylmen salystyrǵanda 90 paıyzǵa artyq.
Shahar basshysynyń sózine qaraǵanda, «qalalyq jergilikti bıýdjette ІІD qarjylandyrýdyń úlesi 70 paıyzdy quraıdy. Sońǵy 3 jylda qalalyq bıýdjet qarjysyna 420 avtokólik quraly satyp alyndy. Bul kólik parkiniń jartysyn jańartýǵa múmkindik berdi. Almaty qazir jergilikti bıýdjet esebinen búkil mektepterdi polıtsııa ınspektorymen qamtamasyz etip, beıne baqylaý kamerasyn ornatqan respýblıkadaǵy jalǵyz aımaq».
