Almaty qalalyq depýtaty otbasylyq jaǵdaıy tómen oqýshylarǵa áleýmettik kómek kórsetti
ALMATY. Tamyzdyń 19-y. QazAqparat /Erbol Turymbetov/ - Búgin Almatydaǵy Músilim Bazarbaev atyndaǵy №138-shi mektep-gımnazııasynda qalalyq májilis depýtaty Oleg Pechenık otbasylyq jaǵdaıy tómen oqýshylarǵa áleýmettik kómek kórsetti, dep habarlaıdy QazAqparat.
Respýblıkalyq «mektepke barar jol» aktsııasy aıasynda jasalyp otyrǵan qaıyrymdylyq shara birinshi ret emes. Buǵan deıin de jyl saıyn kómegin jasap otyratyn qalalyq depýtat bul ıgi isin dástúrge aınaldyrǵan.
Óz sózinde aýdandyq bilim bóliminiń bastyǵy Gúlbaný Ámirtaeva oqýshylardyń qandaı da bir qajettilikterine baılanysty aýdandyq ákimshiliktiń bilim bólimi basqarmasyna ótinish jasaı alatyndyqtaryn aıtty. Bostandyq aýdandyq ákiminiń orynbasary Saıat Aǵybaevtyń aıtýynsha, búginde aýdan boıynsha 1500-deı bala osyndaı áleýmettik kómekke zárý.
Qaıyrymdylyq sharasynyń basty keıipkeri Oleg Pechenık oqýshylardy jańa oqý jylymen quttyqtap, muǵalimderge tabysty eńbek tiledi. Merekelik sharaǵa aýdandyq №21, №23, №70, №88, №138-shi mektep ókilderi men oqýshylary qatysty. Shara barysynda 50 oqýshyǵa oqýǵa qajetti qural-jabdyqtar salynǵan sómkeler tabystaldy. Sonymen birge, oqýshylardyń kontserttik baǵdarlamalary oryndaldy.
